1.雨夜花
作詞：周添旺
作曲：鄧雨賢
雨夜花 雨夜花 受風雨吹落地
無人看見 每日怨嗟 花謝落土不再回
雨無情 雨無情 無想阮的前程
並無看顧 軟弱心性 乎阮前途失光明
雨水滴 雨水滴 引阮入受難池
怎樣乎阮 離葉離枝 永遠無人倘看見
花落土 花落土 有誰人倘看顧
無情風雨 誤阮前途 花蕊哪落欲如何
2.心酸酸
作詞：陳達儒
作曲：姚讚福
(一)
我君離開千里遠 放阮孤單守家門
袂吃袂睏腳手軟 暝日思君心酸酸
(二)
無疑一去無倒返 辜負青春暝日長
連批連信煞來斷 乎阮等無心酸酸
(三)
一時變心袂按算 秋風慘淡草木黃
風冷情冷是無卬 光景引阮心酸酸
3.雙雁影
作詞：陳達儒
作曲：蘇桐
秋風吹來落葉聲 單身賞月出大庭
看到倒返雙雁影 雙心欲哮驚人聽
鴻雁哪會這自由 雙雙迎春又送秋
因何人生未親像 秋天那來阮憂愁
秋天月夜怨單身 歸眠思君未安眠
恨君到今未見面 不知為著什原因
4.心茫茫
半暝月照啊玻璃窗 窗外黑影啊像彼人
搖來搖去啊相思欉 害阮搭嚇啊心茫茫
趕緊將著針線放棯腳節步啊出繡房
唔敢出聽啊亂震動探頭甲看啊心茫茫
更深窗外啊露水重 重重晚風啊吹花欉
看無君影啊亂亂望 害阮等無啊心茫茫
5.心內事無人知
作詞：周添旺
作曲：郭芝苑
心內的事嘸人通知影 對阮求愛同時二個兄
一個對著事業真打拼 一個英俊有錢有名聲
二個攏是真心對待阮 門當戶對得意的郎君
給阮心內想著又茅盾 應該怎樣心肝亂紛紛
算來二個阮攏有意愛 如何打算抹曉通安排
愈想也是無法通排解 心內事情也是無人知
心內的事無人通知影 對阮求愛同時二個兄
一個對著事業真打拼 一個英俊有錢有名聲
6.碎心花
作詞：周添旺
作曲：鄧雨賢
寒夜無伴 偎在桌邊 看見當開 一蕊花枝 含帶香味
花紅葉青 引阮心內 思念當時 純情的愛 伊也不知
甲阮離開 有去無來 美滿情意 並無存在 動阮心肝
加添悲哀 東風吹來 也不知冷 心內只恨 伊的薄情
想起昔日 初戀情形 今日才知 誤阮一生
7.農村曲(演奏曲)
8.河邊春夢
作詞：周添旺
作曲：周添旺
河邊春風寒 怎樣阮孤單
舉頭一下看 幸福人做伴
想起你對我 實在是相瞞
到底是按怎 不知阮心肝
昔日在河邊 遊賞彼當時
實情甲實意 可比月當圓
變心作伊去 將阮來放離
乎阮若想起 恨伊薄情義
四邊又寂靜 聽起鳥悲聲
目睭看橋頂 目屎滴胸前
自恨歹環境 自嘆這薄命
雖然春風冷 難得作犧牲
9.白牡丹
作詞：陳達儒
作曲：陳秋霖
白牡丹 笑呅呅 妖嬌含蕊等親君
無憂愁 無怨恨 單守花園一枝春
啊……單守花園一枝春
白牡丹 白花蕊 春風無來花無開
無亂開 無亂美 不願旋枝出牆圍
啊……不願旋枝出牆圍
白牡丹 等君挽 希望惜花頭一層
無嫌早 無嫌慢 甘願乎君插花瓶
啊……甘願乎君插花瓶
10.南都夜曲
作詞：陳達儒
作曲：陳秋霖
南都更深 歌聲滿街頂 冬天風搖 酒館繡中燈
姑娘溫酒等君驚打冷 無疑君心先冷變絕情
啊 啊 薄命 薄命 為君仔哭不明
甜言蜜語 完全是相騙 惦在路頭 酒醉亂亂顛
顛來倒去君送金腳鍊 玲玲瓏瓏叫醒初結緣
啊 啊 愛情 愛情 可比紙煙烟
安平港水 沖走愛情散 月也薄情避在東平山
酒館五更悲慘哭無伴 手彈琵琶哀調鑽心肝
啊 啊 孤單 孤單 無伴風愈寒
11.月夜愁
作詞：周添旺
作曲：鄧雨賢
月色照在 三線路
風吹微微 等待的人那抹來
心內真可疑 想抹出彼個人
啊……怨嘆月暝
更深無伴 獨相思
秋蟬研啼 月光所照的樹影
加添阮傷悲 心頭酸目屎滴
啊……無聊月暝
敢是註定 無綠份
所愛的伊 因何乎阮放抹離
夢中來相見 斷腸詩唱抹止
啊……憂愁月暝
12.春宵吟
(一)
南國春天時 草木啊當青 我在春宵月光暝
無意中看見 百花滿開笑微微 蝴蝶守花枝 雙雙又飛起
一時推動阮心意 怨嘆看天邊
(二)
夜半露水滴 百花啊香味 我在寂靜更深時
無意中聽見 音樂傳來斷腸詩 哀韻入阮耳 引阮心內悲
坐在床邊無元氣 春宵怨長暝
(三)
夜深靜寂寂 風冷啊吱吱 倒在床中睏抹去
無奈惦窗邊 空渡春天良宵暝 舉頭看月圓 為何愁抹離
一更過了又一更 不覺雞聲啼
13.春花望露
作詞：江中清
作曲：江中清
編曲：何慶清
今夜風微微 窗外月當圓 雙人相愛要相見 思君在床邊
袂見君親像野鳥啼 噯唷 引阮心傷悲 害阮等歸暝
明夜月光光 照在紗窗門 空思夢想歸暝恨 袂得倒落床
袂見君親像割心腸 噯唷 引阮心頭酸 面肉帶青黃
深夜白茫茫 冷風吹入窗 思思唸唸君一人 孤單守空房
袂見君怨嘆目眶紅 噯唷 引阮病這重 情意害死人
14.桃花鄉
作詞：陳達儒
作曲：王福
桃花鄉 桃花鄉是戀愛地
我比蝴蝶 妹妹來比桃花
雙腳站齊齊 我的心肝你的心肝
愛在心底 愛在心底 愛是寶貝
我的希望只有妹妹
啊～ 桃花鄉是戀愛地
我比蝴蝶 妹妹來比桃花
桃花鄉 桃花鄉是戀愛城
滿面春風 雙雙合唱歌聲
春風吹入城 我的心肝你的心肝
心肝岸定 心肝岸定 相愛相痛
永遠甘蜜有妹有兄
啊～ 桃花鄉是戀愛城
滿面春風 雙雙合唱歌聲
15.月夜嘆
月色光光照西窗，思念舊情目眶紅
想彼時情意重，無疑花蕊離花叢
良宵怨嘆為君伊一人
月色光光照花枝，見景傷情想彼時
君有情阮有意，無疑今日拆分離
孤單冷淡，吟出斷腸詩
月色光光斜落西，怨嘆青春不再來
孤單人空房內，紅顏薄命天催排
光陰快過又是空悲哀
16.黃昏城(曲)
作詞：陳達儒
作曲：姚讚福
天悶悶 日頭漸黃昏 鳥隻啼叫小山崙
嶺頂春花亦親像要睏 啊～ 黃昏引動阮青春
城悶悶 燈火照黃昏 雙雙對對娘伴君
孤阮一人悶悶的休睏 啊～ 黃昏引動阮青春
心悶悶 為著日黃昏 孤星伴月結成群
見景傷情加添阮心悶 啊～ 黃昏引動阮青春
17.牛犁歌
作詞：許丙丁
頭戴著竹笠仔喂 遮日頭呀喂
手牽著犁兄仔喂 行到水田頭
奈噯唷呀犁兄仔喂 日曝汗那流
大家著合力呀喂 來打拼噯唷喂
奈噯唷呀裡多犁兄仔喂 日曝汗那流
大家來打拼噯唷喂
腳踏著水車仔喂 在水門呀喂
手牽著犁妹仔喂 透早天未光
奈噯唷呀犁妹仔喂 水冷透心腸
大家著合力呀喂 來打拼噯唷喂
奈噯唷呀裡多犁妹仔喂 水冷透心腸
大家來打拼噯唷喂
手推著牛犁仔喂 來犁田呀喂
我勸著犁兄仔喂 不通叫艱苦
奈噯唷仔犁兄仔喂 為著顧三丈
大家著合力呀喂 來打拼噯唷喂
奈噯唷呀裡多犁兄仔喂 為著顧三丈
大家來打拼噯唷喂
18.四季紅
19.阮不知啦
作詞：陳達儒
作曲：吳成家
彼時約束啊 雙人無失信
近來言語啊 煞來無信憑
冷淡態度 親像無要無緊
你敢是 你敢不是找著新愛人
啊～ 阮不知啦 阮不知啦 總無放舊去找新
近來講話啊 大聲小聲應
春情戀夢啊 漸漸變無親
不明不白 因何僥心反面
你敢是 你敢不是找著新愛人
啊～ 阮不知啦 阮不知啦 總無放舊去找新
春天花蕊啊 為春開了盡
十八少年啊 為你用心神
怎樣這款 全無同情可憐
你敢是 你敢不是找著新愛人
啊～ 阮不知啦 阮不知啦 總無放舊去找新
20.姊妹愛
作詞：陳達儒
作曲：蘇桐
姊妹迎春美麗等春夢 無疑無誤意愛同一人
今日將愛甘願對妹送 不甘害妹破害好花叢
姊妹花蕊本來同根枝 蝴蝶害人運命不公平
世間至親是阮妹甲姊 不甘害妹耽誤青春時
姊妹青春雖然無二擺 為妹害姊怎樣結將來
請你放心照阮的交代 大來讓小這是合應該
21.滿面春風
作詞：周添旺
作曲：鄧雨賢
人阮彼日 甲伊雙人 作陣去遊江
伊有對阮 講起愛情 說出青春夢
又擱講阮 生成愛嬌 生作真活動
乎阮一時 想著歹勢 見笑面煞紅
又擱一日 甲伊行入 一間小茶房
雙人對坐 滿面春風 咖啡味清香
彼時伊也 對阮講起 結婚的事項
乎阮一時 想著歹勢 見笑面煞紅
一日黃昏 伊又講起 那達成希望
會得結婚 不免等待 三年又两冬
可以造成 可愛子兒 幸福一世人
乎阮一時 想著歹勢 見笑面煞紅
22.春宵夢
作詞：周添旺
作曲：周添旺
春宵夢 春宵夢 日日相共
歹夢誰人放 不離相思巷
較想也是苦痛 較夢也是昧輕鬆
春宵夢 春宵夢 日日相共
月也照入窗 照著阮空房
也無照著好夢 較照也是相思欉
春宵夢 春宵夢 日日相共
好夢即時空 消瘦不成人
冷風不吹別項 較吹也是相思欉
23.六月茉莉
作詞：許丙丁
作曲：許丙丁
六月茉莉真正美 郎君生做真古錐
好花難得成雙對 身邊無娘仔伊都上克虧
六月茉莉真正香 單身娘仔守空房
好花也著有人挽 沒人知影伊都氣死人
六月茉莉香透天 單身娘仔無了時
好花也著合人意 當時郎君仔伊都在身邊
六月茉莉透暝香 單身娘仔做眠夢
好花開了等下冬 娘仔親像伊都何時放
六月茉莉滿山香 挽花也得惜花欉
親像蝴蝶亂亂弄 採過一欉仔伊都又一欉
六欉茉莉分六路 一欉較美搬落湖
日時要挽有人顧 暝時要挽伊都人看無
24.思想枝 Bonus 1982年Live版
作詞：洪世峰
作曲：張哲
＊思戀你將心事藏心內 無人知思慕真無奈
暗戀你期待有你的愛 偏偏阮的心事你袂了解
想要講講袂出來 想要愛擱怕失敗
愛著你 無解亦無藥通醫
＃思呀思相枝 伴呀伴相隨 你甘願意對阮流浪到海角天邊
思呀思相枝 情呀放袂離 問你阮的勇氣甘會凍解阮的相思
(Repeat ＊,＃,＃)
25.欲怎樣
稀微無伴暗暗想 想起當初快樂來自由
啊‧‧今日那這款
欲怎樣啊‧‧ 暝日為君仔心憂憂
彼時初戀手牽手 為著真情毋是愛風流
啊‧‧今日那這款
欲怎樣啊‧‧ 何時會得結鴛鴦
恨君放阮空空守 半暝傷心窗邊對月娘
啊‧‧今日那這款
欲怎樣啊‧‧ 冷風吹來追新秋
26.西北雨
作詞：周添旺
作曲：周添旺
日頭過半埔 天氣炎熱宛然像火爐
約束不敢誤 想要出門
丟丟銅仔伊都看著 滿天雲變黑
噯呀出門怕會 遇著西北雨
出門無疑誤 果然大雨已經滴落土
要去又落雨 不去驚伊
丟丟銅仔伊都講阮 失約真糊塗
噯呀心內越急 想到無變步
雨落這呢粗 無來趕緊行來到半途
要過大馬路 又驚大雨
丟丟銅仔伊都渥著 規身淡糊糊
噯呀第一害人 就是西北雨
27.送君珠淚滴
作詞：徐品榮
作曲：周宜新
一路送君到車站，二人情份不甘放；
依依難捨心沈重，煞來目眶紅
望君真心相痛疼，為君守空房；
咱情意不通抹記，我是你的人
二人離別越頭看，點點珠淚滴抹煞；
親像珍珠打斷線，傷心送情伴
為國服務著出外，甘願來拖磨；
在軍中著要保重，不通受風寒
三聲無奈要分開，我是堅心塊愛你；
真心堅情相意愛，寫批給我知
為君思情暗悲哀，期待倒返來；
阮不管三年五冬，也是塊等待
28.天清清
作詞：陳達儒
作曲：姚讚福
春情春意滿希望 天也清清表現好春光
風吹柳樹蝴蝶亂來往 甜甜蜜蜜吹著戀愛風
啊～甜甜蜜蜜吹著戀愛風
自由自在行郊外 花也香香美麗開滿山
水邊鴛鴦可比你佮我 爽爽快快合唱戀愛歌
啊～爽爽快快合唱戀愛歌
29.送出帆
作詞：陳達儒
作曲：林禮涵
編曲：陳志遠
歡喜船入港 隔眠隨出帆 悲傷來相送
恨君行船人 一位隔一位 何時再作堆
目啁看港水 我君船要開 情深緣份淺
想著足了然 離遠看沒現
只有火船煙 無君暗自怨 有君也樵煩
今日那這款 港邊哭失戀
30.我的青春
月色清光照你我，世間心適真快活，
定定天清清，路闊闊，我的青春，你的青春，
我真歡喜，你也歡喜，雙人熱情在心肝。
相愛甜蜜青春夢，可比海邊雙船帆，
同陣誅風浪，同偎港，我的青春，你的青春，
我真歡喜，你也歡喜，無論早晚也成雙。
愛情投合心X定，你是我的燈火影，
有你在身邊，阮也行，我的青春，你的青春，
我真歡喜，你也歡喜，爽快同進青春城。
31.蝶戀花
作詞：洪一峰
作曲：洪一峰
紅紅花蕊當清香 春天百花叢
清翠花蕊定定紅 不驚野蜂弄
心愛哥哥你一人 花美永遠同
阮是忍耐風雨凍 歡迎你一人
南風吹來心輕鬆 漸漸談情戀
春色可比自由夢 蝴蝶守花叢
心愛妹妹你一人 歡喜正清香
快樂美滿是無限 我愛妹一人
戀花開透送香味 文雅自然美
春天咱著放心開 鳥隻亂亂飛
阮是愛哥有情義 疼痛結相隨
戀花多情多是非 不敢來放離
愛情投合在心內 空中月也知
心心相印雙人愛 終身相感介
咱是甜蜜隨東西 遊賞咱世界
蝶戀花栽相等待 年久著原在
32.青春嶺
33.三步珠淚
作詞：文聲文藝部
作曲：鄧雨賢
(一)
一步珠淚 掛目墘 離娘別哥 莫怨天
月老算盤 打錯見 青天恨海 倆傷悲
(二)
二步珠淚 淚落土 日來割腸 暝掛肚
望娘玉體 著照顧 不免乎阮 加添苦
(三)
三步珠淚 淚成水 想著阮娘 欲分開
月老註定 無改為 逼阮煞來 拆分開
34.港邊惜別
作詞：陳達儒
作曲：吳成家
戀愛夢 被人來拆破 送君離別啊 港風對面寒
真情真愛 父母無開化 不知少年啊 熱情的心肝
自由夢 被人來所害 快樂未透啊 隨時變悲哀
港邊惜別 天星像目屎 傷心今暝啊 欲來分東西
青春夢 被人來打醒 美滿春色啊 變成黑暗天
港邊海鳥 不知阮分離 聲聲句句啊 吟出斷腸詩
35.日日春
作詞：陳達儒
作曲：蘇桐
阮是日日春‧日日悶，天光開花到黃昏；
紅花點胭脂‧白花抹水粉，開花等待蝴蝶群
阮是日日春‧日日愁，怨嘆終身誰收留；
雖是薄命花‧日日也清秀，不是為著愛風流
阮是日日春‧日日苦，怨嘆緊開緊落土；
日來受風雨‧夜夜凍著露，生成薄命無奈何
36.嘉慶君遊台灣 Bonus 1982年Live
37.一個紅蛋
作詞：李臨秋
作曲：鄧雨賢
想要結髮傳子孫無疑明月遇黑雲
尪婿耽誤阮青春噯喲一個紅蛋動心悶
望想享福成雙對那知洞房空富貴
含蕊牡丹無露水噯喲一個紅蛋引珠淚
春野鴛鴦同一衾傷心目屎難得禁
掛名夫妻對獨枕噯喲一個紅蛋擾亂心
愛情今生全無望較慘水虌墜落缸
堅守活寡十外冬噯喲一個紅蛋真苦痛
38.望郎早歸
作詞：陳志生
作曲：(日本曲)
思念我君坐在窗 東邊月娘紅
春風吹來阮一人 袂得照希望
離開這久的台灣 無想咱鄉村
家內又擱這呢散 誰人袂怨嘆
離開比水流卡遠 放阮在田庄
甲子一日吃一頓 消瘦面青黃
子那哭要鳥梨糖 一暝哭到光
我君是你失打算 怎樣去彼遠
看見水底的鴛鴦 加添阮憂愁
目屎那流又那想 袂得返家鄉
子那哭夭又沒飯 就用番薯湯
想要做工腳手軟 誰人心袂酸
39.四季戀
40.一剪梅
作詞：李清照
作曲：傅健友
(一)
舊年梅開 看月照花影 相愛相招 雙人相牽行
熱熱情投 緣份訂 藉花題詩 求阿兄
(二)
一個春夢 被人來拆破 自君離開 恨淡冷孤單
舊年今夜 情美滿 今年今夜 戀風寒
(三)
舊情感動 行入舊花園 想到舊人 見景傷心酸
只恨命運 無緣份 希望來世 結成群
41.初戀日記
作詞：周添旺
作曲：許石
(女)初次相會 黃昏在橋頂 (男)小雨毛毛 歸晡落無停
(女)為著愛情 不知雨水冷 (男)這款敢是 (合)初戀的熱情
(女)黃昏雙人 坐在小茶房 (男)夕陽斜西 晚風吹入窗
(女)輕聲細說 講話目那降 (男)引阮踏入 (合)青春愛情網
(女)行入公園 雙人坐做堆 (男)草木青翠 好花也當塊開
(女)溫純情話 不敢講出嘴 (男)含情帶意 (合)目睭格斐斐
(女)看伊每次 純情來對阮 (男)想欲決意 對伊來求婚
(女)一心想欲 一心想無允 (男)心頭鬱悶 (合)想到日黃昏
42.人道
作詞：李臨秋
作曲：鄧雨賢
(一)
家內全望 君榮歸 艱難勤儉 送學費
哪知踏著 好地位 無想家中 一枝梅
(二)
中途變心 起網當 人面獸心 薄情郎
柴空米盡 是難當 幼兒哭餓 雙親亡
(三)
梅花落葉 流目屎 千辛萬苦 為尪婿
節孝完全 離世界 香名流傳 在後代
43.鑼聲若響
作詞：許丙丁
作曲：許石
演唱：張清芳
日黃昏愛人啊要落船 想著心酸目睭罩黑雲
有話要講趁這袸 較輸心頭亂紛紛 想袂出親像失了魂
鑼聲若響 鑼聲若響就要離開君
船燈青愛人啊在船墘 不甘分離目睭釘著伊
有話要講趁這袸 較輸要講喉先哽 全無疑哪會按呢生
鑼聲若響 鑼聲若響就要離開伊
錠離水愛人啊船要開 吐出大悸恨別嘴開開
一聲珍重相安慰 成功返來再做堆 情相累心肝像針威
鑼聲若響 鑼聲若響袂得再相隨
44.補破網
作詞：李臨秋
作曲：王雲峰
見著網目眶紅 破甲這大孔
想要補無半項 誰人知阮苦痛
今日若將這來放 是永遠無希望
為著前途穿活板 找傢司補破網
手拿網頭就重 悽慘阮一人
意中人走叼藏 針線來鬥幫忙
姑不二終罔震動 拿長針接西東
天河用線作橋板 全精神補破網
魚入網好年冬 歌詩滿漁港
阻風雨駛孤帆 阮勞力無了工
雨過天晴魚滿港 最快樂咱雙人
今日團圓心花香 從今免補破網
45.思想枝
作詞：洪世峰
作曲：張哲
＊思戀你將心事藏心內 無人知思慕真無奈
暗戀你期待有你的愛 偏偏阮的心事你袂了解
想要講講袂出來 想要愛擱怕失敗
愛著你 無解亦無藥通醫
＃思呀思相枝 伴呀伴相隨 你甘願意對阮流浪到海角天邊
思呀思相枝 情呀放袂離 問你阮的勇氣甘會凍解阮的相思
(Repeat ＊,＃,＃)
46.窗邊雨
作詞：陳達儒
作曲：姚讚福
窗邊雨 窗邊雨
透早落到黃昏黑
害阮無厝 通偎靠
開窗探頭 看街路
想要出門雨又粗
窗邊雨 窗邊雨
害阮透暝全無睏
要守空房 想著君
平安對頭 結緣份
今暝雨來心鬱悶
窗邊雨 窗邊雨
害阮袂睏偎窗邊
聽著雨聲 鑽心肝
心頭悲悲 望相見
一暝愈想像兩暝
47.心慒慒
作詞：陳秋霖
作曲：陳秋霖
黃昏冷淡啊 日頭落 鳥隻找巢啊 飛過河
孤阮啊 啊有哥昧相好啊 見景 傷情 心慒慒 啊心慒慒
春來花蕊啊 露水靠 阮的有哥啊 有若無
三更啊 啊床中半躺倒啊 空思 亂想 心慒慒 啊心慒慒
世間有人啊 有煩惱 幾個像阮啊 全為哥
悲情啊 啊無路對哥報啊 父母 束縛 心慒慒 啊心慒慒
心慒慒
48.阿婆去香港 Bonus
隔壁阿婆去香港
物件買買一大籠
阿婆啊 阿婆 你是買啥項
那會買擱這麼重
親像在辦嫁妝哎 欲嫁人
阿婆氣一下咻咻叫
自己想著煞好笑
一項一項那會即都好
攏總是台灣製
| 
.jpg)